عنوان التدوينة يا فؤاد ضللت ذوي الأفهام السطحية.

الأمر ليس عن حقوق المرأة أو انتهاكها، حتى الرجل هنا لا يحق له الاعتصام ولا حتى الاعتراض على أنظمة الدولة وقراراتها.

الأمر هو عن حقوق الإنسان التي يكافحن لأجلها هؤلاء النسوة والتي تنتهك ليلا ونهارا في هذا البلد.
———-

نعم للحرية!
لا لوصاية الأقليات!

……….

خل ابوك يخطب امك
وشرط تقبل
شهر شهرين
يمكن ثلاثه ويتزوجون
وكلها تسعة شهور
وتشرف معانا
يعني تنولد
وتصيح واآآآآآآآآآآآآآآآآآآآآء واء
تصرخ بصوت عالي
ترفض ( بـ وااءٍ ) كنها لاآآآآآآآآآآآآآآآآآء
ويفاجئك كفٍ على فمك
يطالبك بالصمت
ويدٍ تطبطب عليك
اسكت اسكت خلاص
وعين تتفحصك وتراقبك
ولسان يقول اسكت اسكت
ووجه يضحك لك ويمكن عليك
……..
كفٍ
ويد
وعين
ولسان
ووجه
خمسه ترافقك
يمكن تختلف جهاتها
ويمكن عددها يزيد
حترافقك
حترافقك
غصبٍ عليك
في مولدك تطالبك صمت
واذا بلغت الخامسه
تأمرك آمر
اسكت خلاص اسكت
طول العمر
امك تسميك راضي
وابوك اقسم وطلق
إلا يسميك صابر
صابر ولد ساكت
امك سكوت
وحارتك إسمها ساكته
مدينتك صامته
ودولتك صارخه
وانت صابر
وخليك صابر
………..
والكف واليد والعين واللسان والوجه
حترافقك حترافقك
الكف = يلطمك
على وجهك
على قفاك
إنت صابر
واليد = تسجنك
تنهبك تهدم بيتوك
تاخذ ارضك
تسحب جوازك
كون صابر
انت صابر
والعين = تراقبك
ومعها عيون تلاحقك
في كل غرفة تناظرك
وفي كل شارع
تصورك هاذي العيون
وين رحت
وايش قلت وليه
وكم قلم عندك
وكم عندك دفاتر
وانت صابر ولد ساكت
امك سكوت
واللسان يأمرك كل يوم
ماتسمع الا كلامه
لازم تطيعه
وتتغنى بغرامه
كل يوم
يكذب عليك في كل شئ
ويعلمك تكذب عليه
ويصدقك
يدرسك كذبه في كتاب
وتصير كاذب
بس صابر
والوجه يضحك عليك
ومنك يضحك
ويضحّك عليك
كل البشر كل الامم
وانت صابر
وصابر
صابر عليه
وخليك صابر
………….
كفٍ ويد وعين ولسان ووجه
حترافقك حترافقك
وتمر الشهور وكم سنه
وانت صابر
وفي البطاقة سجلوك
ابن ساكت
تبغى تتزوج ياصابر
مثل ابوك قلت تخطب
وشرطك الا وحده وحده
إسمها ماهو سكوت
مثل امك
تبغى وحده وحده
مثل ريما
ومالقيت
وقلت لاء مرة وحده
واسجنوك
كون صابر
كلها عشرين عام
وتصير جاهز
تلقى حزام إلبسه
وانفجر

غرباء **** ولغير الله لا نحنى الجباه

غرباء **** وارتضيناها شعارا ً للحياه

إن تسل عنا فإنا **** لا نبالى بالطغاه

نحن جند الله دوما ً **** دربنا درب الإباه

نسأل الله لهن الثبات وأن يلهمهن الصبر والسلوان , وأن يفك أسرى أزواجهن

وأسرى المسلمين فى كل مكان … وحسبنا الله ونعم الوكيل …

معكن يا حرائرنا الغاليات ..

معكن ..

حتى يشرق فجر العدالة ..

وتنجلي ظلمة الليل الطويل ..

بالله هذا وطن .. وللا سجن وعذاب ؟

بالله هذي نخوة .. وللا قهر وألم ؟

بالله هذا دين محمد .. وللا دين جبار وطاغية ؟

معكن ..

يامن صرخـتـن في وجوهنا .. يا أشباه الرجال ولا رجال .

وهذا اعتبروه شعار او توقيع او نشيده باسم ريما.

ريما قالت عني وعنكم
ريما نادت مين يسمعها
بكره مني ولا منكم
حره تنادي مين يسمعها
واحد منكم
واحد منكم
ريما تنادي مين يسمعها

…….

شاكر لكم مجهودكم

……………….
………………
وهذي هدية من نص قديم اهداء لهن جميعا ..

&&&&

تاخذ جوازي ليه وتخلي البطاقه
ياخي خذها ما ابيها
تكفى بدلها باقامه
هالبطاقه كالطباقه
مالها باب (ن) وطاقه
هي كِمامه
او طمامه
فوق افواه السلامه
..
غيري بلاها ارتاح
مايــــــــــــــــهــــــمـــــــه
عايش مقيم وحر والمهنه حلاقه

لا انظلم والا زعل ..سافر وراح
اما انا ما اقدر اروح
والسبب عندي بطاقه
وين اروح
بالله قلي وين اروح
يعني قلت وقلت يعني
مو اكيد
يعني تبغاني افجر
والا هالعالم اكفر
والا علماني اكرر
والا لبرالي اصور
يالله قلي ويش ادور
والا في الشارع اصيع
اسهر اسكر وابيع
انا يكفيني اكون
مسلم مواطن لااااااااااايهوووون
**********

لي وطن
مكفول حقي فيه
ما ابي منة احد
لاعجوز ولا ولد
مثلي مثلك في البلد
ربنا واحد احد
شوف وجهك له سجد
تاخذ جوازي ليه وتخلي البطاقه
تكفى بدلها باقامه
ارجوك خذها ارجوك
ياثقلها في البوك
مايوم لي فادت
ولا بخيرها عادت
مااكفلتني في البنوك
وما اطلقتني من شبوك
فوقها جيب الكفيل
هاذي البطاقه هم
ثقل وعذاب وغم
تفرض عليه فرض
مشي وسكوت وغض
يعني للظالم تعين
ودايم لمثلي تهين
شرها ماهو قليل
من حملها لا انظلم
يحمد الله لاسلم
كلمته سمعا وطاعه
واعذرونا ياجماعه
احنا اخطينا علينا
والبطاقه في يدينا
لا شهود ولا دليل

**************
تاخذ جوازي ليه وتخلي البطاقه
تكفى بدلها باقامه
يمكن القى لي وطــــــــــــــــــــن ثاني
غير والقابه كرامه
اخذه عرض (ن) وطول
مايحدد لي إقامه
فيه اتكلم واقول
رافع(ن) صوتي وهامه
ومن ظلمني ما اطيعه
قول ربي والرسول
ما ابي غير الشريعه
القى لي وطن ثاني
فيه ماتهدم بيوتي
ومتر ارضي مايروح
وطن ثاني
فيه لاحطيت سهمي
مايخسرني كبير
فيه دمه مثل دمي
لا امير ولاخفير
*********

الوطن ماهو جواز … يسحبه واحد غبي
والوطن ماهو بطاقه … يشتريها الاجنبي
الوطن ماله وحيد
والبشر غيره عبيد
الوطن ماهو مزارع
جوعه ويجيك تابع
الوطن ماهو عماره
ينتهي عقده وايجاره
الوطن ماهو بقاله
وجيل يجبر للبطاله
الوطن ماهو سكوت
في ثياب وفي بشوت
الوطن ماهو بدون
وش بدونك يالبدون
الوطن ماهو وثيقه
دم اوثق من وريقه
والوطن ماهو قرار
في يدين المستشار
والوطن ماهو تجاره
قيمته ربح وخساره
الوطن خيره كثير
بس وينك يابصير
والوطن ماهو كتاب
يدرسونه كالحساب
..
الوطن في الدم يجري
له فدى روحي وعمري
يابعد روحي رماله
والسماء واصغر رماله
منه لو تبكي عيوني
قلت ابوي وقلت امي
وفيه لو تكثر سجوني
جيت فدواله بدمي
..

وياخذ جوازي ليه ويخلي البطاقه

الوطن ماهو جواز…. يسحبه واحد غبي
الوطن ماهوبطاقه …. يشتريها الاجنبي

ممكلتنا امنا
والله غالي ياوطن…. مانبيعك مانبيع
انت ابونا وامنا ….. ياااا وطنا كلنا
كلنا لمنا ضمنا في ترابك ضمنا
آه ياريحة اهلنا.. ياوطنا يا املنا

والله منبيعك بروح
لو عن حدودك نروح
لونـموت ولـو نجـوع
ونسقي إترابك دموع
ياوطنا مانبيع
……….
ياوطنا وامنا ضمنا لمنا
خذنا في صدرك رضيع
ضمنا عندك جميع
امنا وانت الحظن ….عيننا وانت الجفن
مانبعيك مانبيع…. ياوطن وام الجميع
ضمنا.. لمنا .. ياوطنا كلنا
مثل ابونا وامنا ياوطنا ضمنا

……………….

غاليه نسمة هواك
رملها غالي معاك
الصحاري والجبال
وريحة إبحورك دواء
المصانع والشوارع
كل شبر(ن) فيك غالي
كل وادي وكل قريه
المدن واللي سكنها
كل بيت وكل شقه
غاليه واغلى بأهلها

ياوطنا ياوطن
لوتعبنا اوشكينا
ياوطنا ولو بكينا
مانبيعك مانبيع
ياوطنا مانبيع

……………………….

شعاري بالكلمة تكسر القيود انتمائي للارض فقط وطني لا حزب ولاحركة

اخوكم
محمد عبد الرحمن علي الزهراني
الشرقية السعودية